Recommended NZ | Guide to Money | Gimme: Competitions - Giveaways

Te Reo Māori revitalisation generates a week of discussion - Te Matawai

Contributor:
Fuseworks Media
Fuseworks Media

Hei whakanui i Te Tau Reo Taketake a UNESCO 2019, ka whakakotahi mai ngā toa reo Māori o Aotearoa i te taha o te tini rangatahi ki te wānanga rautaki mō te whakarauora i te reo Māori.

Ka whakakotahi mai rātou ki te hui nei i raro i te maru o Te Whare o te Reo Mauriora - te kōtuinga i waenga i ngā whānau, ngā iwi me ngā hapori Māori, e whakakanohitia ana e Te Mātāwai me te Karauna, e tohu nei i tētahi ara mahi ngātahi hou ki te tautoko i te whakarauoratanga o te reo puta noa i Aotearoa.

Hei te Rāapa ki te Rāpare ka whakakotahitia e Te Taura Whiri i te reo Māori ētahi o te hunga rangatahi o te motu ki Tāmaki-Makaurau mō ētahi rā e rua ki ētahi akoranga mātanga, ētahi hui whāiti, ētahi tāpaenga kōrero me ētahi matapakinga ā-pae.

Ā te Rāpare me te Rāmere ka whakahaeretia e Te Mātāwai tētahi hui ā-motu mō ōna Pae Motuhake, e whakakotahi tuatahi mai ai ngā toa reo Māori o ngā whānau, ngā hapū, ngā iwi me ngā hapori ki raro i te tuanui kotahi.

Hei tā te Hoa-Toihau o Te Mātāwai, a Waihoroi Shortland, "He huarahi tēnei e whakakotahi mai ai mātou ki te whakarongo ki ētahi o ā mātou kōrero angitu, e kitea ai ngā hua o ā mātou haumitanga, e ako ai mātou me pēhea e tukuruatia ai taua angitutanga i te motu nui tonu".

Ka hono atu te hunga rangatahi ki ngā toa reo Māori nei i te hui ā te Rāpare - e whai hua ai ngā whāinga o ngā taha katoa o tēnei whare haere kōtui i ngā akoranga ka kōrerohia e te katoa.

Hei tā te Hoa-Toihau o Te Mātāwai, a Mereana Selby, "Ko ngā rangatahi o te rangi nei ngā kaihautū o āpōpō atu, nō reira me mahi tahi mātou ki a rātou kia kore ai tō tātou reo e tāwere noa. Me mōhio tātou e pēhea ana tā rātou whai wāhi atu ki te reo Māori kia hāngai ai ā tātou rautaki whakarauora i te reo".

Ka hono atu anō a Vaka Leo, te Rōpū Reo o Te Moana-nui-a-Kiwa, ki ngā hui e rua ki te ako me te kōrero i ā rātou rautaki whakarauora reo o Te Moana-nui-a-Kiwa.

Ka whakakapia te wiki ki ngā Ngā Tohu Reo Māori ka whakakotahi nei i Te Whare o te Reo Mauriora ki te whakanui i ngā toa reo Māori o te motu.

Te Mātāwai Co-Chair Waihoroi Shortland says, "This is an opportunity for us to come together and hear some of our success stories, to see the fruits of our investment, and learn how we might be able to replicate that success throughout the country".

Rangatahi will join these te reo Māori champions during the Thursday hui - where the learnings shared are expected to benefit the goals of all sides of this whare partnership.

Te Mātāwai Co-Chair Mereana Selby says, "Our rangatahi today are our leaders for tomorrow, so we need to work alongside them to ensure that our reo doesn’t become redundant. We need to understand how they use and interact with te reo Māori so that our revitalisation strategies are relevant".

Vaka Leo, the Polynesian Languages Forum, will also join both hui to learn and share their own language revitalisation strategies from around the Pacific.

The wiki concludes with the annual Ngā Tohu Reo Māori Awards which brings together Te Whare o te Reo Mauriora and celebrates te reo Māori champions across the country.

All articles and comments on Voxy.co.nz have been submitted by our community of users. Please notify us if you believe an item on this site breaches our community guidelines.